بریکس ګروپ

د نړۍ سیاسي او اقتصادي جوړښت په دوامداره توګه د بدلون په حال کې دی، او ددې بدلون یوه بېلګه د بریکس ګروپ دی، چې د پنځو لویو اقتصادونو څخه جوړ شوی

برازیل، روسیه، هند، چین او سویلي افریقا. دا ډله په نړیوال اقتصاد کې د خپلو هېوادونو د ګټو د نماینده ګۍ او ساتنې لپاره جوړه شوې ده.

د بریکس ګروپ د جوړېدو اصلي موخه د نړیوال اقتصادي او سیاسي نظام اصلاح کول دي ترڅو دغه نړیوال بنسټونه لکه ملګري ملتونه، نړیوال بانک او د پیسو نړیوال صندوق (IMF) د پرمختګ د ګټو ښه استازیتوب وکړي.

د بریکس غړي هیوادونه هڅه کوي چې یو له بل سره سوداګریزې او اقتصادي اړیکې پراخې کړي ترڅو خپل اقتصاد نور هم قوي کړي.

د بریکس ګروپ په دې باور دی چې اوسني نړیوال مالي بنسټونه لکه نړیوال بانک او IMF د لویدیځو قدرتونو تر اغېز لاندې دي او د مخ پر ودې هیوادونو استازیتوب کوي.

بریکس په دې بنسټونو کې د اصلاحاتو لپاره ټینګار کوي ترڅو د مخ پر ودې هېوادونو غږ واوریدل شي.

په 2014 کې، BRICS ګروپ “نوی پراختیائي بانک” تأسیس کړ، چې موخه یې د مخ پر ودې هېوادونو سره مالي مرستې کول او د زېربنایي پروژو لپاره پانګه اچونه ده.

د بریکس غړي هېوادونه د سیمه ایزو او نړیوالو شخړو د حل لپاره یو له بل سره همکاري کوي.

د بریکس هېوادونه د ساینسي څېړنو، ټکنالوژۍ، تعلیم، روغتیا او د چاپېریال مسئلو په برخو کې همکارۍ ته وده ورکوي

په نړیوال سیاست او اقتصاد کې د بریکس ګروپ اهمیت له دې حقیقت څخه څرګندېږي چې دغه هېوادونه نه یواځې په خپل داخلي پرمختګ تمرکز کوي، بلکې په نړیواله کچه هم نفوذ لري.

د چين او هند په څېر هېوادونه په تېره بيا چې اقتصاد يې په چټکۍ سره وده کوي، د نړيوال اقتصاد مهم لوبغاړي ګرځېدلي دي