خاوند او ښځه
د خاوند او ښځې تر منځ مینه پیدا کول یو الهی کار دی. لکه د مور مینه د خپل ماشوم لپاره، کوم چې د الله تعالی ستره ډالۍ ده.
لکه څنګه چې د مور زړه د مینې مرکز دی همداسې د پلار زړه هم د مینې مرکز دی.
په بله مرحله کې د والدینو او د هغوی د اولادونو تر منځ مینه پیدا کیږي او بیا د اولادونو تر منځ د کورنۍ د ټولو غړو دنده دا ده چې د دې الهي تحفې ساتنه او پالنه وکړي
د مينې د ټينګښت او زياتوالی يو له اغېزناکو عواملو څخه دی بايد يادونه وشي چې د مينې څرګندول نه يوازې د انسان شخصيت نه خرابوي، بلکې د هغه شهرت هم زياتوي
هغه لاملونه چې د مینې او محبت سبب ګرځي د کورنۍ سره ښه اخلاق او ملکرتیا ده.
ښه اخلاق: په طبیعي توګه خلک خوش اخلاقه اشخاص خوښوي.
ملګرتیا: کله چې مور او پلار د خپلو ماشومانو سره ملګري وي دوی کولی شي د ټولنې له خطرونو څخه د خپلو اولادونو ساتنه وکړي او د ټولنې د خدمت لپاره سالم، با ادبه او علم په ګاڼه سمبال ځوانان وړاندې کړي.
پاتې نه وي عاجز ي او حیأ هم د کورنۍ په ښه تربیت کې مهم رول لوبوي.
عاجزي او حیا د انسان عزت او وقار زیاتوي.
نو په کار ده چې د وطن د ترقۍ ، سرسبزۍ ، یووالي او ملي ارزښتونو د ساتنې لپاره د خپلو اولادونو په تربیه کې نه ستړي کېدونکي هلې ځلې وکړو