خوښي او خپګان

د انسان د فکر پراخوالی او د تخیل لوړوالی هېڅ محدودیت نه لري.

په حقیقت کې انسان تقریباً هر څه په یو حد کې ترسره کولی شي.

خوښي او خپګان د انسان د ژوند یوه برخه ده، که انسان وغواړي چې په ژوند کې تل خوشحاله وي او له غم سره یې هیڅ تړاو نه وي، نو دا ناشونې ده، ځکه خوښي او خپګان دواړه د انسان په ژوند کې حتمي دي.

الله تعالی د خوښۍ او غم تر منځ منطقي انډول جوړ کړی چې له امله یې په دې سیاره کې ژوند روان دی، لکه څنګه چې په نړۍ کې هر څه دوه اړخونه لري، خوښي او غمونه هم د انسان د ژوند لپاره اړین دي.

نو په کار ده چې د خوشحالۍ په وخت کې له چا سره وعده ونه کړئ او د غم په وخت کې ځان ونه بایلئ