دود او دستور

زمونږ د ټولنې ستره بدبختي داده چې ورځ تر بلې خپل دود او دستور له لاسه ورکوو او د رنګارنګ ناورینونو سره مخ کېږو.

د ټولنیز ناورین یو لامل

د لویانو د درناوي محرومیت د ټولنې د تباهۍ لامل کیږي.

په کومه ټولنه کې چې د لویانو بې عزتي او بې احترامي عام شي، د هغوی عزت او درنښت له منځه لاړ شي او حقوق یې تر پښو لاندې شي، نو له همدې ځایه د کلتور او تمدن زوال پیلېږي.

کورنۍ د ټولنې واحد دی او ډیرې کورنۍ سره په ګډه ټولنه جوړوي.

لکه څنګه چې ټولنه د کورنیو مجموعه ده. که د کورنۍ په کچه د مشرانو درناوی وشي، د هغه نظام به باثباته او پیاوړی وي.

خو که په کورنۍ کې د مشرانو د درناوي فرهنګ له منځه ولاړ شي، کورنۍ به هم کمزورې شي او په ټوله کې به د ګډوډۍ او بربادۍ لامل شي.

د مشرانو درناوی د سالمو دودونو او قوي تمدن اساس دی.