د افغانستان اقتصادي پرمختګ هغه وخت ممکن دی کله چې د هېواد هر فرد په اقتصادي پرمختګ کې اغېزمن رول ولوبوي،
جولای 20, 2025
د افغانستان اقتصادي پرمختګ هغه وخت ممکن دی کله چې د هېواد هر فرد په اقتصادي پرمختګ کې اغېزمن رول ولوبوي، د دې لپاره دا اړینه ده چې خلک د هېواد د اقتصادي وضعیت څخه خبر وي.
څرنګه چې زموږ په ټولنه کې ډېری خلک په ځانګړې توګه هغه کسان چې د زده کړې له نعمت څخه محروم دي په ملي کچه باید د زده کړو د ارزښت په هکله خلکو ته پوهاوی ورکړل شي.
همداراز هر ځوان غواړي چې یو ښکلی کور او ښه موټر ولري، په ټولنه کې یو مهم مقام ولري، ډېری یې د زده کړې له بشپړولو وروسته د دندې په لټه کې وي.
دوی ګوري چې د دندې موندل اسانه نه دي ځکه چې د افغانستان د کمزورو اقتصادي شرائطو او ډېری نورو دلیلونو له امله دلته د بیکارۍ کچه خورا لوړه ده.
له همدې امله ډېری ځوانان بې زړه او خورا مأیوسه ښکاري.
ځوانان ډېر استعدادونه لري خو د دوی د استعدادونو د ضایع کېدو دلیل دا دی چې دوی سم لوري ته نه رهبري کیږي.
ځینې ځوانان د کار موندلو د ناکامۍ له امله د جرمونو په دام کې راګیر کېږي او د دې په ځای چې د هېواد ویاړ شي، دوی یو سرخوږی ګرځي.
Posted in لنډې لیکنې