د پاکستان او افغانستان اړیکې
په حقیقت کې د پاکستان او افغانستان ترمنځ اړیکې یواځې د ګاونډیتوپ نه ده بلکې د تاریخ، کلتور، دین او انسانیت په اړه هم دي.
په تېرو څلورو لسیزو کې پاکستان په میلیونونو افغان کډوالو ته پناه ورکړې ده.
په دې کډوالو کې هغه کورنۍ شاملې وې چې په وطن کې جګړې، ناکرارۍ او بې وزلۍ مهاجرت ته اړ کړل.
خو، د پاکستان وروستۍ پرېکړه چې افغان کډوال بېرته خپل هیواد ته ستانه کړي نه یواځې یو لوی اداري بدلون دی، بلکې سیاسي، ټولنیز او ډیپلوماتیک اړخونه یې هم ژورې اغیزې لري.
ا په ورته ډول د افغان کډوالو ناڅاپي راستنېدو هم د پاک-افغان اړیکو کې یو نوی کړکېچ رامینځته کړی دی.
د افغانستان حکومت دا د بشردوستانه اصولو خلاف ګڼي، کوم چې کولی شي دوه اړخیز باور اغیزمن کړي.
په عامه کچه د منفي احساساتو د راڅرګندېدو امکان یې نور هم زیات کړی کوم چې کولی شي په عامه ډیپلوماسۍ او کلتوري اړیکو اغیزه وکړي.
حقیقت دادی چې د پاکستان او افغانستان ترمنځ د ښو اړیکو مثال شتون نه لري، پاکستان هېڅ کله هم زمونږ سره د ښه ګاوتډیتوپ تمثیل او کوشش نه کړی.
په داسې حساسو شرائطو کې چې دافغانستان د سختو اقتصادي ستونزو سره مخامخ دی پکار ده د کډوالو د وتلو پروسه باید په تدریجي او منظم ډول بشپړه شي. نړیواله ټولنه باید افغانستان ته د راستنېدونکو کډوالو د بیارغونې لپاره فنډونه او تخنیکي مرستې چمتو کړي. پاکستان او افغانستان باید په ښکاره ډول خبرې اترې وکړي او د عمل یوه داسې لاره جوړه کړي چې د بشري حقونو، ملي امنیت او سیمه ییزې همغږۍ توازن ولري او ټوله پروسه د دوه اړخیزې همکارۍ، مشورې، متقابل رضایت او دوستانه حل له لارې بشپړه شي.