مینه،محبت او پاملرنه
انسانان د مینې،محبت او پاملرنې وږي دي. مینه،محبت او پاملرنه زړونو ته ژوند او انسان خوشحاله او سوکاله کوي. مینه هغه جذبه ده چې د والدینو او اولادونو په زړونو مساوي اغیزه کوي.
د ماشومانو په پالنه کې مینه،محبت او پاملرنه د والدینو او اولادنو ترمنځ د اړیکو په ساتلو کې خورا مهم او کلیدي رول لوبوي. غوره اړیکه هغه ده چې د مینې پر بنسټ وي، ځکه چې دا یوه طبیعي لار ده او نورې ټولې لارې چې په جوړجاړیو، غیر طبیعي او اکثره یې د ګټو په بنیاد ولاړې وي.
د ماشومانو تر ټولو متحرکه او طبيعي اړتيا د مينې، محبت او پاملرنې ترلاسه کول دي.
مور او پلار د ماشومانو لومړني ساتونکي او ښوونکي دي، نو لازمه ده چې د ماشومانو دې طبيعي اړتيا ته ځانګړې پاملرنه وکړي.
دا هغه اړتیا ده چې د دوی د روزنې اساس او بنسټ جوړوي، نو د دې اړتیا پوره کول د سیال او طبیعي خوندیتوب لامل او وسیله ده