د ارواښاد ستر احمدشاه بابا ۲۵۳تلین
ارواښاد ستر احمدشاه بابا چې د اوسني افغانستان بنسټ ایښودونکی دی د احمد شاه دراني او احمد شاه ابدالي په نوم هم یادیږي چې په کال ۱۷۴۷ کې لویې جرګې لخوا
په اتفاق سره د افغانستان د شاه په توګه وټاکل شو.
احمدشاه بابا د خپل ادب او زړه راښکونکي شخصیت له امله ډېر مشهور و.
له هغه وروسته احمد شاه ابدالي او د هغه کورنۍ د دراني په نوم مشهوره شوه.
ابدالي د پښتنو/افغانانو یوه مهمه قبیله ده او احمد شاه بابا له دې کورنۍ سره تعلق درلود.
هغه د خپلې واکمنۍ په جریان کې له تمې څخه ډېرې لاسته راوړنې درلودې.
هېچا تمه نه درلوده چې هغه به دومره بریالی وي.
احمد شاه بابا ټول افغان قومونه سره یو کړل او د یو افغان ملت بنسټ یې کېښود.
احمدشاه بابا په کندهار کې د لومړي ځل لپاره د خپلې واکمنۍ له ټینګولو وروسته خپله ټوله انرژي د لوی افغانستان د جوړولو لپاره وقف کړه.
د احمد شاه بابا یو له مهمو لاسته راوړنو څخه د ۱۷۶۱ کال د جنوري په میاشت کې د پانیپت په درېیمه جګړه کې د مراټیانو ماتې وه.
د شمالي هند هغه ولایتونه چې په هغه وخت کې د ابدالي امپراتورۍ برخه وه، د افغان حکومت لپاره خورا مهم ؤ، نو افغانان عموماً په دې باور دي چې د پانیپت درېیمه جګړه د افغانستان د ځان دفاع لپاره اړینه وه.
د احمدشاه بابا لپاره ددې جګړې موخه د هغه حکومت د لوی ګواښ څخه ساتل ؤ.
احمدشاه بابا ډېر جنګونه وګټل او یوه لویه امپراتوري یې جوړه کړه، چې تاریخ پوهان یې د دراني امپراتوري بولي، چې د لویدیځ ایران څخه د هند تر سرهند ښاره پورې غځېدلې وه.
د هغه سلطنت په شمال کې د مرکزي آسیا د آمو سیند څخه په جنوب کې د هند سمندر ساحل پورې غځېدلی ؤ.
احمد شاه بابا خپلو خلکو ته یو نوی هویت او یو خپلواک هېواد ورکړ.
اروايې ښاده او یاد یې تل تازه اوسه